ප්‍රවෘත්ති

රත්මලාන දුම්රිය වැඩපොළ සොරුගෙන් බේරාගැනීමට ආරක්ෂක වැඩපිළිවෙළක්

යොහාන් භාසුර

කර්මාන්තශාලා 34කින් සමන්විත, රත්මලාන මහා දුම්රිය වැඩපොලේ යන්ත්‍ර සුත්‍ර, ඇතුළු දේපොළවලට සොරුන්ගෙන් එල්ල වී තර්ජනය පිළිබඳව අවධානය යොමුකර නව ආරක්ෂක වැඩපිළිවෙළක් සකස් කිරීමට ප්‍රවාහන අමාත්‍ය ආචාර්ය බන්දුල ගුණවර්ධන මහතා කටයුතු කර තිබේ.

දුම්රිය සේවකයින්ට තර්ජ සහ බිය වැද්දීම් කර රජය සතු දේපොළ සොරා ගැනීමට සංවිධානාත්මක පිරිසක් ක්‍රියා කරන බව පොලිස් පරීක්ෂණවලින් හෙළි වී ඇති බවත් ගල්කිස්ස දිසාව භාර ජ්‍යෙෂ්ඨ පොලිස් අධිකාරීවරයා මෙම වැඩපොළ තුල සිදුවන මහා පරිමාණ සොරකම්, වංචා, දුෂණ පිලිබඳ  විමර්ශනයක් පවත්වා ඇති බවක් ප්‍රවාහන අමාත්‍යංශය පවසයි.

ප්‍රවාහන මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතා සහ බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා ඇතුළු උසස් පොලිස් නිලධාරීන් සමඟ රත්මලාන දුම්රිය වැඩපොලේ නිරීක්ෂණ චාරිකාවක නිරත වීමෙන් පසුව නව ආරක්ෂක වැඩපිළිවෙළක් සකස් කිරීමට තීරණය කළහ.

Leave a Reply

Your email address will not be published.